Papa Françesku ka pagëzuar dhe një shqiptar mes disa prej besimtarëve gjatë meshës së mbajtur në vigjilje të Pashkëve.
“Të hyjmë edhe ne në shtegtimin e dishepujve, që shkon nga varri, në Galile – këtë na kujton Nata pa gjumë e Pashkëve (Mt 28,1), duke na ftuar të kthehemi jo te një Jezus abstrakt, ideal, por te kujtimi i gjallë, konkret dhe drithërues i takimit të parë me Zotin”, tha Papa gjatë pagëzimit.
Gjatë kremtimit të liturgjisë së Natës së Shenjtë të Pashkëve, Papa Françesku përmendi Sakramentet e para të fesë së krishterë për 8 besimtarët nga Shqipëria, Shtetet e Bashkuara të Amerikës, Nigeria, Italia dhe Venezuela.
Në përfundim Papa u drejtoi të gjithëve thirrjen:
“Vëllezër, motra, ta ndjekim Jezusin në Galile, ta takojmë dhe ta adhurojmë atje ku ai e pret secilin prej nesh. Ta ringjallim bukurinë kur, pasi e pamë të gjallë, e shpallëm Zot të jetës sonë. Le të kthehemi në Galile, secili të kthehet në Galilenë e tij, në atë të takimit të parë, dhe do të rilindim në jetën e re!”.
Discussion about this post