Shqiptari përplas gruan me makinë në Selanik dhe e kërcënon, shpallet në kërkim

Një 41-vjeçar shqiptar është shpallur në kërkim nga policia pasi ka dhunuar dhe kërcënuar bashkëshorten e tij 35-vjeçare.

Të dielën që lamë pas (16 qershor 2024), në Nea Malgara të Selanikut, burri e ka përplasur me makinë, duke e rrëzuar kështu dhe më pas e ka kërcënuar.

Sipas medias greke fosucfm.gr personi konkret është në kërkim nga policia e Selanikut.

Ndërsa gruaja deklaroi, se teksa ishte duke lëvizur me biçikletë. ish-bashkëshorti e tërhoqi me veturën që drejtonte, duke e rrëzuar, më pas e kapi për qafe dhe e kërcënoi.

Ngjarja ka ndodhur mbrëmjen e së dielës në Nea Malgara të Selanikut. Gruaja ka lajmëruar policinë dhe është dërguar me makinë patrullimi në Zyrën kundër Dhunës në Familje të Drejtorisë së Policisë, ku ka dëshmuar.

Sipas informacioneve, ajo nuk kishte nevojë të dërgohej në spital. Autori 41-vjeçar (me origjinë nga Shqipëria) është në kërkim në kuadër të grabitjes së makinës dhe ndaj tij është ngritur një çështje.

gijotina.com/