Shqiptari protagonist me pseudonimin “Esko” kishte ndërtuar një mit të fuqishëm të paktën pesë vitet e fundit. Kjo histori madje e lejoi atë që të rekrutonte dhe kontrollonte të rinjtë që kishin një të shkuar dhune. Gjithashtu i riu përfshinte në rrjetin e tij labirint dhe ish-të burgosur, pjesë e organizatave që funksiononin më së miri me anë të komunikimit.
Nuk është rastësi që tre banditë shqiptarë që ndodheshin rreth tij, ishin liruar nga burgu një vit më parë, pas gati dhjetë vitesh burg, për pjesëmarrje në bandën e egër të përdhunuesve që vepronin në periferitë jugore. Një pjesë e madhe e grabitjeve dhe trafikut të drogës vinin nga banesat e studentëve në të gjithë pellgun. Por ajo që paraqet shumë interes është roli i 30-vjeçarit shqiptar, pasi po hetohet mundësia që ai të jetë ‘pronari’ i vërtetë i të paktën tre bizneseve në Athinë.
Mediat greke raportojnë se tre bandat e kishin shndërruar Universitetin Politeknik në një fole kriminelësh mizorë, ndërkohë që policia e Athinës po heton për disa grabitje që nuk janë zbardhur ende. Hapi i parë në këtë drejtim janë rezultatet e testeve balistike mbi armët e gjetura. Ndërkohë, hapi i dytë janë zbardhja e tabulateve të telefonave celularë të personave të përfshirë në këtë veprimtari kriminale.
Në të njëjtën kohë po hetohen kontaktet e 22-vjeçares, që ishte duke bërë praktikën në departamentin Zografou, e cila “dogji” dy operacione policore duke iu dhënë informacion bandave nëpërmjet partnerit të saj shqiptar, për forcat e policisë dhe lëvizjet e tyre. Po shqyrtohet mundësia e përfshirjes së personave të tjerë në “shërbimin inteligjent” të organizatave kriminale, si dhe mundësia që ata të kenë fshehur aratim të rëndë në Universitetin Politeknik.
Discussion about this post