Kur bëhet fjalë për botën e muzikës, një sërë emrash shqiptarë kanë arritur sukses ndërkombëtar. Kësaj liste, krah Dua Lipës, Bebe Rexhës, Rita Orës dhe shumë të tjerë, i shtohet dhe Armand Mehidri. Armandi ka zgjedhur një tjetër drejtim, modën. Ai jeton prej vitesh në Dubai dhe pasionin e tij për modën e ka kthyer në profesion.
Armandi është bërë i njohur falë ilustrimeve që ka krijuar për shumë personazhe si Madonna, Jennifer Lopez, Rihanna, Ariana Grande. Por kohët e fundit, ai ka bashkëpunuar dhe me një firmë ndërkombëtare si Shein. Ai ka krijuar disa koleksione për firmën e famshme.
Gjatë një interviste për “Abc-ja e mëngjesit” i tregoi se ka marrë shumë mesazhe nga personazhe të famshëm, ku përmendi dhe J.LO.
“Jennifer Lopez më ka shkruar për të më falenderuar. Jam akoma duke eksperimentuar nëse duhet të fokusohem vetëm te veshjet e vajzave apo dhe për djem, nuk dua një brand shumë luksoz. Besoj se bota po lëviz në fast fashion, janë veshje të bukura por dhe të përballueshme për një pjesë të madhe. Dua diçka që duket si shumë e shtrenjtë”, tregoi ai.
Armandi tregoi gjithashtu se ka bashkëpunuar me grupin e famshëm Little Mix për të krijuar dizajnin e parfumit të tyre.
Discussion about this post