Policia italiane arrestoi një 61-vjeçar me origjinë shqiptare, i cili dyshohet se ka dhunuar barbarisht një të verbër, të cilit i ka thyer krahët e brinjë, si dhe i ka shkaktuar trauma dhe lëndime të tjera.
Shqiptari, i cili njihej në zonë si një person që konsumonte shumë alkool dhe ishte agresiv kur dehej, ndodhej në një local në Cesenatico (Forlì-Cesena), bashkë me 55-vjeçarin e verbër. Madje, sipas mediave italiane ata ishin në një tavolinë, kur situate agravoi.
Sipas mediave italiane, pasi konsumuan dy gota, shqiptari qëlloi me grusht 55-vjeçarin që ndodhej me të në tavolinë, ndërsa më pas kërcënoi disa klientë të pranishëm dhe menaxherin e lokalit.
Pas incidentit shqiptari u largua me skuterin e tij për tu rikthyer disa minuta më pas i armatosur me një shkop.
Pikërisht këtu ai ka sulmuar me shkop të verbërin duke i thyer brinjë e dy krahët, por edhe duke i shkaktuar fraktura të shumta.
Policia italiane arrestoi 61-vjeçarin pak minuta pas ngjarjes, ndërsa mbi të rëndon akuza e lëndimeve të rënda dhe drejtim mjeti në gjendje të dehur.
Discussion about this post