Shqiptari u gjet i vrarë në pyll, publikohen të dhënat e autopsisë/ Detajet

Publikohen nga mediat italiane rezultatet e autopsisë së vrasjes së 39-vjeçarit shqiptar Bledar Dedja, më 20 janar, trupi i të cilit u gjet në pyll.

Sipas autopsisë, Dedja ka marrë 20 goditje me thikë, por fatale ishte goditja që i shpoi mushkërinë. Hetuesit italianë dyshojnë se goditja me thikë ka ndodhur pak pasi 39-vjeçari kishte kryer marrëdhënie seksuale dhe po ashtu janë marrë mostra për të zbuluar këtë fakt.

Patologu Alberto Furlanetto, i cili kreu autopsinë, tha se vdekja u shkaktua nga një gjakderdhje e brendshme dhe ishte shkaktuar nga një plagë me thikë në shpinë. Plagët e tjera me thikë e goditën burrin në pjesë të ndryshme të trupit të tij, duke përfshirë duart dhe krahët.

Goditjet tregojnë se ai ishte i lirë në lëvizjet e tij dhe se nuk po frenohej nga askush, por nuk mund të përjashtohet që të ketë pasur më shumë persona që kanë marrë pjesë në vrasje.

Hetuesit mendojnë se goditja me thikë ka ndodhur në fund të marrëdhënies seksuale, pasi Bledari kishte ulur pantallonat dhe të brendshmet.

Bashkëshortja e tij u intervistua për shumë orë nga hetuesit. Për momentin, hetuesit po ndjekin pistën për vrasje pasioni në fund të një marrëdhënieje seksuale.

Megjithatë, nuk mund të përjashtohet që pantallonat e ulura të jenë një shpërfytyrim dhe një shenjë hakmarrjeje që mund ta kishte goditur Bledarin si përgjegjës për shqetësimin apo lidhjen me një grua të një bashkëkombasi tjetër. Tani për tani janë dy hipotezat e hapura.

Mediat italiane shkruajnë se në qendër të këtyre hetimeve është një krim pasioni

Ka disa indicie që i bëjnë hetuesit të besojnë se bëhet fjalë pikërisht për një krim të tillë. Dedja u gjet me pantallonat e ulura dhe vendi ku u vra njihet si një zonë që frekuentohet nga çiftet.

Hipoteza e një grabitjeje që shkoi keq ra thuajse që prej fillimit, për shkak se në makinën e viktimës, e cila ndodhej rreth 100 metra larg trupit të tij, u gjetën të gjitha sendet me vlerë.