Ditën e sotme mediat greke raportuan për një 33-vjeçare shqiptare, e cila u gjet e lidhur, e dhunuar dhe e përdhunuar brenda një apartamenti, nga një 27-vjeçar palestinez. Së fundmi në lidhje me ngjarjen ka folur edhe nëna e shqiptares. Ajo thotë e tronditur se 27-vjeçari e ka dhunuar keq vajzën e saj.
Sipas saj i ka thyer këmbët dhe krahët si dhe e ka goditur në kokë.
“Ai e kishte goditur me thikë, duke ia thyer krahët dhe këmbët. E kishte goditur edhe në kokë, në sy”, tha ajo.
Nëna e saj në dëshmi ka thënë se 33-vjeçarja është dhunuar nga një i huaj edhe pak muaj më parë. Ndaj ka mundësi që të jetë i njëjti person që sulmoi i tërbuar fëmijën e saj mëngjesin e së hënës. Në të njëjtën kohë, ajo përshkruan goditjet që viktima ka në të gjithë trupin e saj.
‘Unë nuk e njoh atë. Nuk e di nëse është ai me të cilin vajza ime ka pasur njohje muaj më parë. Besoj se e mbante me forcë. Po më thoshte se kishte takuar një burrë nga Egjipti. Tani më tregojnë për një nga Pakistani. Nuk e di kush është, nuk di asgjë’, thotë ajo.
‘Vajza ime thotë se nuk e mban mend çfarë ka ndodhur, por edhe mund të ketë frikë dhe të mos flasë’, thotë nëna e shqiptares 33-vjeçare, e cila ndodhet e shtruar në Klinikën e Kirurgjisë Torakale të Spitalit Sotiria dhe mbahet me oksigjen, duke humbur në të njëjtën kohë edhe shumë gjak.
Ndërkohë, shqiptarja i ka treguar policisë se nuk e njihte 27-vjeçarin, por pasi e kishte takuar të hënën të dy kishin rënë dakord të shkonin në shtëpinë e tij për të kryer marrëdhënie.
Por pasi shqiptarja ka hyrë në shtëpinë e tij, palestinezi e ka sulmuar atë, duke e rrahur dhe detyruar të kryejë seks oral kundër dëshirës së saj, gjatë së cilës ai ka vazhduar ta rrahë dhe që nga ai moment vajza nuk mban mend asgjë.
Kur ajo është zgjuar ka thirrur për ndihmë policinë dhe ka treguar çfarë i ka ndodhur.
Discussion about this post