Reshjet e shiut që prekën Shqipërinë në 24 orët e fundit shkaktuan probleme të mëdha në 3 qarqe.
Dëme të konsiderueshme kanë ndodhur në bashkinë e Tropojës, kryesisht në infrastrukturën rrugore, toka bujqësorë dhe banesa.
Të dhënat i njofton Agjencia e Mbrojtjes Civile. Mësohet se në segmente të caktuara ka shembje dhe gërryerje, ndërsa rezervuarët janë në kuotat maksimale. Fshati Lumi, njësia administrative Margegaj janë të bllokuar nga prurjet e shumta 7 familje.
Janë të dëmtuara disa ura, ndërsa në njësinë administrative Bujan rrezikohet ura në Disdar si pasojë e prurjeve të shumta të lumit Bushtricë. Dëme ka edhe në bagëti. Ka ndërprerje të energjisë në njësitë administrative Llugaj, Bytyç Margegaj.
Në bashkinë Vau i Dejës në qarkun e Shkodrës ka prezencë të ujit në disa pjesë të bashkisë si dhe ndërprerje të energjisë elektrike në lagjet: Lisen, Mllojë dhe Dejë, njësia administrative Vau-Dejës, bashkia Vau-Dejës. Po punohet për normalizimin e kalueshmërisë së mjeteve në aksin e bllokuar Tamarë- Vukël dhe Vermosh njësia administrative Kelmend, në Malësi të Madhe si dhe në aksin rrugor Qafë mali- Fierzë, si dhe rrugët rurale të njësive administrative Fierzë, Blerim, dhe Iballë në Fushë Arrës. Po punohet edhe për kthimin e energjisë në njësitë Iballë dhe Fierzë.
Në bashkinë Elbasan situata është më e normalizuar pas ndërprerjes së reshjeve, por po punohet nga grupet e punës të strukturave përgjegjëse, kontraktuesit e mirëmbajtjes së rrugëve dhe OSHEE për normalizimin e situatës.
Discussion about this post