Shtatorja e Heroit Kombëtar Gjergj Kastrioti Skënderbut në Prizren është bërë objekt i vandalizmit teksa përkrenarja dhe shpata janë lyer me ngjyrë ari.
Bëhet me dije se shoqata “Trojet e Arbrit” ka reaguar ashpër ndaj këtij akti duke e cilësuar si një sulm të shëmtuar dhe të qëllimshëm ndaj figurës më të ndritur të historisë sonë kombëtare.
Konkretisht, kryetari i shoqatës, Nue Oroshi, përmes një postimi në rrjetet sociale u ka bërë thirrje institucioneve të sigurisë dhe drejtësisë që të veprojnë menjëherë për të zbuluar dhe ndëshkuar autorët e këtij akti.
“Ky është një akt i papranueshëm, një provokim i qëllimshëm që cenon jo vetëm figurën e Skënderbeut, por edhe krenarinë tonë kombëtare,” thotë Oroshi.
Shtatorja e Gjergj Kastrioti Skënderbeut, e vendosur më 28 nëntor 2020 në rrethrrotullimin e rrugës “Hasan Prishtina” në Prizren, është një nga monumentet më të rëndësishme historike dhe simbolike të qytetit ku është mbajtur një tjetër ngjarje me rëndësi të veçantë për vetëdijen kombëtare si “Lidhja Shqiptare e Prizrenit”.
gijotina.com/
Discussion about this post