Një magazinë shtetërore në zonën e Selitës në Tiranë ishte kthyer në “shtëpi bari”.
Policia e Komisariatit nr 2 në kryeqytet dhe agjentët e Antidrogës kanë zbuluar në këto ambiente të kultivuara me llampa, rrënjë kanabis sativa në katin e dytë. Magazina është shtetërore dhe kati i parë ishte në përdorim nga Agjencia Shtetërore e Kadastrës (ASHK.)
Mësohet se dy persona janë vënë ne pranga, ndërsa agjensia e mbikeqyrjes policore ka nisur hetime për oficeret e Komisariatit 2 që mbulon zonën, pasi nuk kanë zbuluar më herët këtë ambient për kultivimin e drogës.
Dyshohet se magazina, e cila quhej e dhe me roje, përdorej prej një kohe të gjatë për kultivimin e drogës, ndërsa janë shoqëruar 7 persona, të cilët janë marrë në pyetje nga policia.
Njoftimi i policisë
Gjatë orëve të para të mëngjesit, shërbimet e Komisariatit të Policisë Nr. 2 kanë ndërhyrë në ambientet e një magazine të vjetër dykatëshe, në rrugën “Hamdi Pepa”, Selitë, ku nga informacionet e siguruara nga inteligjenca policore, dyshohej se kultivoheshin bimë narkotike, me anë të llambave.
Nga kontrollet, në katin e dytë të këtij objekti, i cili nga verifikimet rezulton i privatizuar nga shtetasit A. C., K. K. dhe V. S., shërbimet e Policisë gjetën të kultivuara në vazo plastike, 105 bimë të dyshuara narkotike Cannabis Sativa.
Për rastin janë shoqëruar në ambientet e Policisë, disa shtetas, ndërkaq një grup i posaçëm hetimor po punon në vendngjarje, për të zbardhur dhe dokumentuar ligjërisht, rrethanat.
Në përfundim të veprimeve procedurale do të japim njoftim të detajuar për këtë rast.
Discussion about this post