Në kuadër të një operacioni kundër kultivimit të kanabisit, policia gjermane ka arrestuar shtatë persona. Aksioni u ndërmor në Dusseldorf, Wuppertal dhe Hückeswagen të Gjermanisë, duke përfshirë këtu edhe një të ri shqiptar.
Në mes të qendrës së Hückeswagen 18-vjeçari raportohet se kujdesej për një plantacion kanabisi, i cili kishte konsumuar mjaftueshëm energji elektrike sa rreth 150 familje në një vit.
Në të njëjtën kohë, nëntë ambiente të tjera në Wuppertal dhe Düsseldorf u kontrolluan nga autoritetet gjermane ku u kapën 6 persona të cilët së bashku me 18-vjeçarin do të dalin para gjykatës javën e ardhshme.
Raportohet se një nga të arrestuarit në Wuppertal është një 27-vjeçar shqiptar të cilit iu sekuestruan rreth 21 kilogramë kanabis të cilat ruheshin në thasë me vakum.
Discussion about this post