Romeo Çakuli i bashkisë Finiq bën pazare me tenderë edhe kur bëhet fjalë për një rrezik të lartë që iu kanoset qytetarëve. Më datë 15 nëntor 2024, Bashkia Finiq ka zhvilluar tenderin me objekt “Ndërtim muri mbajtës në shkarjen e fshatit Krane”, për të cilin janë vënë në dispozicion 84 milionë lekë.
Por edhe në këtë rast kryetari bën pazare për kontratën që t’i shkojë firmës së favorizuar prej tij.
Në dokumentet e projektit, bashkia thekson se bëhet fjalë për një ndërhyrje urgjente, pasi ndodhen disa shtëpi vetëm 6 metra larg shembjes dhe reshjet e rrëmbyeshme të shiut po e përkeqësojnë gjendjen.
“Shkarja ndodhet ne një terren kodrinor te thyer, dhe nevoja e kësaj ndërhyrje është emergjente ,pasi rrezikohen shtëpitë qe ndodhen mbi këtë shkarje ne një largësi prej 6m”, përshkruhet në dokument.
Ndërhyrja urgjente duhet të ishte bërë me mjetet e bashkisë dhe të mos pritej kaq gjatë, por kryetari ka zgjedhur të zhvillojë këtë tender.
“Gara” qëndroi e hapur 2 javë dhe menjëherë kanë dorëzuar ofertat 5 kompani, por komisioni i caktuar nga Çakuli nuk është marrë me shqyrtimin e ofertave.
Me një të rënë të lapsit janë eliminuar 4 oferta dhe i është hapur rruga firmës “ILIRIA/D”, e cila kishte propozimin më të shtrenjtë, me vlerë 80 milionë lekë. Që këtu u bënë shkeljet e para: Skualifikimi i të gjitha ofertave (përveç fituesit) pa argumente ligjore dhe favorizimi i ofertës më të shtrenjtë.
Këtë mënyrë abuzive u vulos më 15 nëntor 2024 kontratën e tenderit, pa zhvilluar asnjë garë.
Open Data Albania e vlerëson tenderin me “Flamur të Kuq” që është shenja e riskut të korrupsionit. Por edhe më alarmant dhe i patolerueshëm është fakti që kryebashkiaku prej disa muajsh ka lënë në rrezik banesat që janë shumë pranë zonës ku ka rrëshqitje. Në mes të dimrit me reshje u kujtua kryetari të bëjë këtë ndërhyrje?
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post