Një protestues i 6 janarit pranë Kongresit amerikane ka kërkuar zil politik në Bjellorusi. Ky vendim sipas shtetasit amerikan, Evan Neumann vjen pas këshillës nga përfaqësuesi i tij ligjor për t’u larguar në Europë.
Ai tregon se fillimisht është zhvendosur në Zvicër, Itali për disa kohë dhe më pas në Ukrainë. Sipas Neumannit, ai ka vendosur të ikë në Bjellorusi dhe të kërkojë azil politik atje, pasi shërbimet e sigurisë në Ukrainë kanë filluar të shprehin interesim për të.
Gjatë muajit gusht ai tregon se rojet kufitare në Bjellorusi e kanë arrestuar për kalim ilegal të kufirit nga Ukraina.
Ndërkohë mbi të rëndojnë gjashtë akuza federale për trazirat e shkaktuara në 6 janar. Këto akuza Neumann i ka mohuar, duke argumentuar se janë thjesht një persekutim politik.
Trazirat e 6 janarit shënuan 5 viktima, ndër to dhe një zyrtar policie, ndërkohë në pranga janë vënë rreth 535 protestues.
Ndërtesa e Kongresit amerikan u sulmua më 6 janar nga mbështetësit e e ish-presidentit amerikan, Donald Trump, si një revoltë për rezultatin zgjedhor, të cilin nuk pranonin të certifikohej.Në nëntor të 2020-ës Joe Biden fitoi zgjedhjet për president të SHBA përballë Donald Trump.
Discussion about this post