Nga dita e sotme kanë hyrë në fuqi rregullat e reja disiplinore për policët e burgjeve. Në një dokument të botuar në Fletoren Zyrtare thuhet se, punonjësve të policisë në burgje nuk iu lejohet të jenë anëtarë të ndonjë partie politike, apo të kenë kontakte me familjarët e të burgosurve. Gjithashtu, ndalohet në mënyrë kategorike të kenë komunikim apo shoqërim me ndonjë të inkriminuar.
Në dokument thuhet se, dënimi për shkelje do të ishte shkarkimi nga puna. “URDHËROJ: 1. Miratimin e Rregullores së Disiplinës për Policinë e Burgjeve, sipas tekstit bashkëlidhur këtij urdhri dhe pjesë përbërëse e tij. Ngarkohet Drejtoria e Përgjithshme
Rregullatore e Çështjeve të Drejtësisë, Drejtoria e Përgjithshme e Burgjeve institucionet e ekzekutimit të vendimeve penale, si dhe Komisioni i Apelimit të Masave Disiplinore për ndjekjen dhe zbatimin e tij. .Urdhri nr. 3146, datë 16.4.2009, “Për përbërjen dhe funksionimin e Komisionit të Apelimit të Masave Disiplinore”, i ndryshuar, shfuqizohet. Ngarkohet Sektori i Arkiv-Protokollit për marrjen e masave për njoftimin e këtij urdhri. Ky urdhër hyn në fuqi pas botimit në Fletoren Zyrtar”, thuhet në vendim
Kjo rregullore pritet të vendosë kufijtë dhe të drejtat e policëve të burgjeve, gjatë gjithë aktivitetet të punës së tyre.
E.H/ gijotina.com/
