Shteti i Rilindjes në pak rreshta

Në 26 qershor 2014, kompania ITS e Zotos përgatit një përmbledhje tekniko-ekonomike të projektit për ndërtimin e një impianti energjie në Elbasan.

Në 4 korrik të vitit 2014, Bashkia Elbasan i kërkon Ministrisë së Mjedisit me kërkesë urgjente fillimin e një procedure dhe mbështetjen financiare të projektit të Zotos, që parashikonte mbylljen e landfillit ekzistues të Elbasanit dhe trajtimin e mbetjeve me një teknologji të përparuar.

Në 10 korrik 2014 krijohet shoqëria Albtek Energy e Stela Gugalles.

Ne 11 gusht, Albtek i dorëzon Bashkisë Elbasan projektin e plotë Teknik të inceneratorit me gjithë koston e tij financiare.

Në 9 gusht, Alba Thoma, drejtoresha juridike e Ministrisë së Mjedisit i çon Alqi Bllakos vendimin për shpalljen e emergjencës mjedisore nga Këshilli Bashkiak Elbasan. Teksti i vendimit është hartuar nga Alba Thoma. Vendimi nga Këshilli do shpallet në datën 18 gusht. (Alba Thoma është pupacja e Zotos në Ministri. Ajo komunikon gjithë kohën me Zoton, e informon në kohë reale për ccdo procedurë, merr direktiva nga ai dhe i kthen ato në akte zyrtare)

Në 18 gusht Këshilli Bashkiak Elbasan shpall emergjencën mjedisore.

Në 24 gusht Alqi Bllako i dërgon shkresë Bashkisë Elbasan, Ministrisë së Energjetikës dhe Ministrisë së Ekonomisë ku u kërkon caktimin e anëtarëve të Komisionit për Dhënien me Koncesion të inceneratorit të Elbasanit

Në 2 nëntor, Etleva Kondi i dërgon Klodian Zotos marrëveshjen e koncesionit mes Ministrisë së Mjedisit dhe kompanisë Albtek Energy, edhe pse tenderi do ta hapej një muaj më vonë. Pra fituesi ishte paracaktuar një muaj para zhvillimit të garës. Vendimi për negocimin e drejtëpërdrejtë pa njoftim paraprak u mor në 12 dhjetor 2014. (Etleva Kondi është pupacja numër 2 e Zotos, drejtoreshë e koncesioneve.)

Në 11 nëntor 2014 është lidhur kontrata mes Albtek Energy dhe Energy Recuperator për ndërtimin e Inceneratorit të Elbasanit me çelësa në dorë për vlerën 13.5 milionë euro, edhe pse procesi i dhënies me koncesion ndodhej ende në një fazë shumë të hershme. Kontrata nuk u realizua sepse më vonë Albtek nënkontraktoi ITS-në.

Në 12 dhjetor Ministria e Mjedisit i con ftesë për ofertë Albtek Energy.

Më 16 dhjetor Albtek dorëzon ofertën në Ministrinë e Mjedisit.

Në 16 dhjetor mblidhet Komisioni i Vlerësimit të Ofertave dhe shpall fitues Albtek Energy.

Në 16 dhjetor nënshkruhet Kontrata e Koncesionit.

Më 17 dhjetor Ministria e Mjedisit i çon Sekretarit të Përgjithshëm të Kryeministrisë, projektvendimin për dhënien e miratimit për sigurimin e financimit të nevojshëm të kontratës koncesionare.

Më 17 dhjetor miratohet vendimi i qeverisë për dhënien e miratimit për sigurimin e financimit.

Albtek mori nga Ministria e Mjedisit dhe ajo e Energjisë 26 milionë euro me TVSH. Ndërkohë kontraktoi ITS-në e Zotos për kryerjen e të gjitha punimeve me çmim total 12.4 milionë euro. Pra sa gjysma e pagesave që mori nga shteti.

Kjo është vepra për të cilën kryeministri shprehet krenar si një nga punët më të mira që është bërë ndonjëherë në Shqipëri dhe ky është shteti që na ngjeshi të gjithëve Rilindja./Oligarkia.al