Pak më parë Erion Veliaj deklaroi se me 25 maj do të bllokohen rrugët për hyrjen në Tiranë për finalen e Conference League. Ai tha se në kryeqytet do mund të hyjnë vetëm ata që kanë biletë për ndeshjen. Kjo deklaratë nuk është mirëpritur nga qytetarët, të cilët duhet të lëvizin me makina për të shkuar në punë. Për më shumë detaje rreth masave që do të merren ka folur
drejtori i Policisë së Shtetit, Gledis Nano, i cili në një prononcim për mediat tha se të mërkurën nuk do të ketë shtetrrethim në Tiranë, por vetëm bllokim të disa rrugëve. “Këto ditë është thënë që në 25 maj do ketë një shtetrrethim. Dua tu bëj me dije e tu kërkoj mirëkuptim qytetareve që data 25 do jetë ditë feste. Mos përhapim panik lidhur me shtetrrethime. Patjetër që do ketë bllokim të rrugëve. Tirana do jetë e bllokuar për ata që duan të vijnë në Tiranë.
Unë ju sugjeroj që të mos vinë në Tiranë, kush ka për të ardhur atë ditë. Do të jetë një aktivitet me masa shumë të mëdha. Policia ka sugjeruar dhe do të bëjë bllokimin e rrugëve. Do të kemi komunikime të tjera në vazhdim se cilat rrugë do të jenë të bllokuara”, tha Gledis Nano.
I pyetur nëse janë marrë masa për tifozët e Feyenoordit, të cilët njihen për trazira, kreu i Policisë së Shtetit tha: “Masat e marra deri më tani janë masa që i kanë ndarë që në ardhje të dy tifozeritë. Po kështu e fun- zone që do jenë në Tiranë, janë marrë masa që të mos lejohen dy tifozeritë të krijojnë përplasje”.
Discussion about this post