Shefi i Sektorit të Qarkullimit Rrugor në DVP Fier Kryekomisar Valentin Florini, në një deklaratë për median, ka deklaruar se qytetin e Fierit, pas urdhrit nga Drejtori i Policisë Gledis Nano, janë shtuar masat për të parandaluar aksidentet rrugore.
Sipas informacioneve vetëm gjatë ditës së sotme janë vendosur mbi 400 masa për shkeljet që janë burim aksidenti, 200 masa për tejkalim të normave të shpejtësisë, 29 përdorim të aparatit celular gjatë drejtimit të mjetit, 27 për mosvendosjen e rripit të sigurimit, 49 masa administrative për parakalime të gabuara, 7 masa administrative për drejtim të motomjetit pa kaskë mbrojtëse, 82 masa për shkelje të ndryshme të rregullave të qarkullimit.
Kryekomisari Florini i ka bërë apel qytetarëve që të bashkëpunojnë me Policinë Rrugore dhe të kontribuojnë të gjithë së bashku për rritjen e parametrave të sigurisë rrugore në vend.
Discussion about this post