Një 38-vjeçar ka rënë në prangat e policisë së Tiranës pasi shtirej si pacient ku duke përfituar nga urgjencat mjekësore, kryente vjedhje të sendeve personale të pacientëve, që shkonin për të marrë mjekim dhe për të kryer vizita mjekësore.
Ky person është kapur në flagrancë duke vjedhur një shumë parash në automjetin në pronësi të personit me inicialet R. Rr., në ambientet e spitalit QSUT, i cili kishte shkuar për vizitë mjekësore.
Personi në fjalë dyshohet se është autor i disa rasteve të vjedhjeve të ndryshme, të ndodhura kohët e fundit, në ambientet e QSUT-së dhe në rrugën e Dibrës. Në cilësinë e provës materiale janë sekuestruar 1 milion lekë të rinj, një orë dore dhe një çakmak.
38-vjeçari i dënuar më parë do të akuzohet për veprën penale “Vjedhja”. Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Discussion about this post