Kongresi i PS ka miratuar ndryshimet në statut. Kryeministri Rama ka bërë publikë emrat e rinj që janë propozuar për detyrat e reja pas ndryshimit në Statut. Rama bëri me dije se janë shtuar 3 sekretariate.
Eridjan Salianji është propozuar Sekretar për çështjet ligjore dhe zgjedhore, ndërsa Blerina Gjylemeti Sekretare për Organizimin. Laert Duraj propozohet Sekretar për Emigracionin.
“Unë jam absolutisht dakort, pasi varet nga ju, një sekretar për çështjet zgjedhore të partisë, në aspektin e ndjekjes së të gjithë çështjeve legale, detyra do t’i besohet Eridianit që ka gjithë jetën që ndjek procedurat nëpër KQZ e të gjitha, një sekretar për emigracionin, detyrë që sekretari i Përgjithsëm dëshiron që t’ia besojmë Laertin, e njihni të gjithë, është shumë i lidhur me zonën atje, që kanë ritual me vrasjen e kecave. Është një shaka por gjysma e të vërtetës. Ndërsa Sekretare për koordinimin propozojmë që të jetë Blerina Gjylameti. Nuk mundemi dot që përfaqësuesit e pushteti të jenë të mbrojtur nga një gardh, ndërsa pjesa tjetër të jenë atje sa herë që është nevoja për vota apo për të dalë në zgjedhje. Duhet hapje në frymë ku të mos ketë dallim mes kampeve të partisë dhe ju kërkojmë të gjithëve që ta respektojnë këtë”, tha Rama.
Para Ramës, ishte Blendi Klosi ai që prezantoi ndryshimet në statut.
“Një paketë shumë e rënd vjen ajo e zgjedhjes së kreut duke hapur opinionin publik duke i dhënë kandidatit vlerat e qytetit që ai përfaqëson. Në këtë statut i hapim rrugë këtij parimi. Analiza që bëmë në të gjitha qarqet e bashkive, shprehën nevojën që kemi për të krijuar një jetë arkivore të PS. Të krijojmë një zyrë të hapur për të mbledhur opinion të qytetarë, por të ketë të dhëna të PS, punë me database, për të krijuar bashkëjetesën e nevojshme. Eshët një ndryshim tjetër i paraqitur dhe një griu. Krijimi i një sekretari ekzekutiv në 61 bashki, përfaqësues i komunitet të PS në zonë. Grupimi tjetër ka të bëjë me një reformë për të afruar votën e emigrantëve. Ps nuk mundtë jetë e kufizuar vetëm brenda territorit, statuti i ri na krijon më shumë hapësira për të krijuar në këto degë të PS, jo vetë të mbajnë lidhej me partinë e PS por të furnizohen edhe me ne njerëzit që duan të marrin pjesë në votime në Shqipëri. Dimensioni politik, trajnim me çfarë duhet të punojmë, diskutojmë me njerëzit. Në këtë statut, ta përmbledhim ta bëjmë një libër parimesh që ti rezistojë jetëgjatësisë të partisë, por edhe të përgatisë për të pasur rezultat me të forta, duhet ti japim votën statutit të paraqitur”, tha Klosi.
Discussion about this post