Destinacionet e fluturimeve nga Rinasi sa vijnë e po shtohen.
Dje filluan fluturimet midis Tiranës dhe Riadit të Arabisë Saudite. Fluturimet do të operojnë me kryeqytetin e Arabisë Saudite tre herë në javë, duke vendosur një Airbus A320. Më herët kanë nisur fluturimet edhe nga Dubai.
Desinacioni më i ri është Moska. Tirana International Airport njoftoi se nga data 20 Qershor 2021, fillojnë fluturimet direkte me Tiranën 1 herë në javë me kompaninë ajrore Ural Airlines (çarter turistik).
Sipas njoftimit të TIA, Moska është një ndër qytetet më të vjetra dhe më të bukura të Rusisë, ndodhet në pjesën evropiane të Rusisë. Perandorët ose carët e kthyen qytetin në bazën e tyre të urdhrave deri në vitin 1712, kur kryeqytet i Rusisë u bë Saint Petersburg.
Moska u rikthye në kryeqytet të Rusisë në vitin 1918 dhe shërbeu si kryeqyteti i ish-Bashkimit Sovjetik nga viti 1922 deri në vitin 1991. Moska ka qenë historikisht kryeqyteti i BRSS, Perandorisë Ruse, Regjimeve cariste dhe Dukatit Moskovit.
Moska konsiderohet si një prej qyteteve më të gjelbra të Evropës dhe ka rreth 27 kilometra katrorë gjelbërim në parqe për person. Infrastruktura historike e kombinuar me zhvillimin modern të viteve të fundit e kanë bërë Moskën një prej destinacioneve më intriguese dhe tërheqëse të Evropës.
Rigjallërohen charterat turistikë
Pas një 2020-e të vështirë për shkak të pandemisë, charterat turistikë po shtohen ndjeshëm këtë sezon. Polakët e kanë nisur sezonin turistik në vend duke u kthyer sërish në një nga grupet e rëndësishme të turizmit të organizuar në vend, lokalizuar kryesisht në zonën e Golemit por shtrirë edhe në Vlorë apo në Sarandë me mbërritje nga Korfuzi. Në Rinas po ulen deri në 9 charter në ditë nga qytetet polake.
Fillojnë charterat nga Çekia në datën 16 qershor, ndërsa po vijojnë ata nga tel Avivi, Bjellorusia dhe Ukraina, duke premtuar për një sezon të mbarë turisti./MONITOR
