Shtohen dyshimet se vrasësi i biznesmenit Ruzhdi Hoxhës, trupi i pajetë i të cilit u gjend sot, është shoku i tij Fredi Rrushi. Në dëshminë e dhënë para uniformave blu, miku i viktimë i identifikuar me iniciale E.T ka treguar se e ka parë Hoxhën për herë të fundit teksa hipte në një makinë tip “Pasat” ngjyrë gri e errët bashkë me Fredi Rrushin dhe dy të tjerë.
“Jam nisur për tek shtëpia e tij për ta marrë atë, dhe kemi dalë në Tiranë ku takuam një shokun e tij E. B. dhe pimë nga një birrë. Rreth orës 23: 00 aty ka ardhur një automjet tip Pasat , targat nuk i mbaj mend, , ngjyrë gri e errët , me të cilin ishin 3 persona , të cilët nuk i njoh , emrat e të cilëve i kam mësuar kur së bashku me familjarët e Ruzhdiut po interesoheshin se ku ishte”, ka treguar ai.
Sipas E.T Ruzhdi Hoxha kishte qëndruar me të dhe një mik tjetër duke pirë birra, derisa ishte shfaqur Fredi Rrushi për ta marrë me dy të tjerë.
“Më datë 20.10.2021 kam qenë në punë nga e cila janë kthyer rreth orës 16:30 duke mos dal më prej saj. Rreth orës 20: 00 kam marrë një telefonatë nga shtetasi Ruzhdi Hoxha i cili më ka kërkuar të shkoja ta merrja në shtëpinë e tij me mjetin tim për të dalë një xhiro. Shtetasit në makinë ishin K.I , A.S dhe Fredi Rrushi. Pasi ka ardhur kjo makina me këto persona, Ruzhdiu hipi me ta në vend të parë, duke me thënë të shkoja në shtëpi se ai po dilte me shokët e tij”, ka treguar ai.
Ndër të tjera E.T në dëshminë para bluve, thotë se miku i tij i tha të ikte në shtëpi se ai do dilte me shokë, dhe kjo ishte hera e fundit që ai e pa.
“Pasi është pyetur nga ana jonë se ai njeh njerëzit që thashë më lart, më shpjegoi se i njeh si shokë të tij, por vetëm kaq. Më pas kemi pyetur në shumë hotele për Ruzhdiun por nuk dinte gjë njeri”, ka treguar ai. A.L / gijotina.com
Discussion about this post