12 raste pozitive me variantin Delta Plus janë konfirmuar dje në Kosovë, pas testimit të 70 mostrave në një laborator në Gjermani. Por ka ende dyshime për mostra të tjera që janë marrë nga qytetarët.
Ministria e Shëndetësisë, përmes një njoftimi zyrtar ka njoftuar se të hënën do të dërgohen edhe mostrat e dy javëve të fundit për testim në Gjermani.
“Nga 70 mostra, të dërguara ditë më parë për sekuencionim përmes projektit të ECDC në laboratorët Eurofin, Gjermani, sekuencionimi është bërë në 59 raste, prej të cilave në 12 raste (20.33%) është detektuar varianti Delta Plus (AY.4-like) dhe në 47 raste është detektuar varianti Delta (79,66%), IKSHPK planifikon që të hënën më 15.11.2021 të dërgojë mostrat e tjera pozitive me SARS-CoV-2 të mbledhura gjatë dy javëve të fundit, përmes të njëjtit projekt, me qëllim të mbikëqyrjes virologjike të varianteve të SARS-CoV-2 në qarkullim në Kosovë”, thuhet në komunikatë.
Varianti delta plus ka tre karakteristika shqetësuese që janë: transmetohet më lehtësisht, lidhja më e fortë me receptorët e qelizave të mushkërive dhe zvogëlimi i mundshëm i përgjigjes së antitrupave monoklonalë.
Discussion about this post