Presidenti i Amerikës, Joe Biden bëri thirrje për një “pauzë” në konfliktin midis Izraelit dhe Hamasit në Gaza, pasi ai u përball me një protestuese e cila i kërkoi armëpushim mes dy vendeve.
Biden po fliste në fushatë zgjedhore kur gruaja bërtiti: “Bëni thirrje për një armëpushim tani”.
Biden u përgjigj duke thënë se “unë mendoj se ne kemi nevojë për një pauzë. Një pauzë do të thotë të japësh kohë për të nxjerrë të burgosurit jashtë”.
Shtëpia e Bardhë sqaroi se Biden po i referohej pengjeve të mbajtura nga Hamasi që nga sulmi i tij i 7 tetorit në Izrael, ku 1.400 njerëz u vranë dhe më shumë se 200 u morën peng.
Më herët, Shtëpia e Bardhë ka njoftuar se është pro një armëpushimi për të lejuar dërgimin e ndihmave në Gaza dhe lirimin e pengjeve. Biden ka mbështetur Izraelin, por ai ka ndryshuar qëndrimet e tij javët e fundit pasi situata humanitare përkeqësohet në Gaza dhe numri i viktimave rritet.
Presidenti është përballur me presion nga grupet e të drejtave të njeriut, liderët e tjerë botërorë dhe madje edhe anëtarët liberalë të Partisë së tij Demokratike, të cilët thonë se bombardimi i Gazës nga Izraeli është ndëshkim kolektiv dhe se është koha për një armëpushim.
Discussion about this post