Ditën e nesërme, në SPAK do të dorëzohet një tjetër kallëzim për kryebashkiakun e Tiranës, Erion Veliaj.
Kallëzimi do të dorëzohet nga drejtuesi i PD-së për Tiranën, Belind Këlliçi. Ishte ky i fundit që e njoftoi këtë lajm gjatë fjalës së tij në protestën maratonë që zhvillohet në ‘Rrugën e Shpresës’.
Këlliçi tha se kallëzimi ka të bëjë me lidhjet e Veliajt me “Ndragheta”-n italiane, me kompaninë “Amia Verona, me Vladimir Fezgën dhe me personat që kanë pastruar para për krimin e organizuar në Tiranë.
“Njoftoj të gjithë demokratët që janë këtu, qytetarët shqiptarë, PD, unë në emër të PD-së do të depozitoj një kallëzim të ri në SPAK për lidhjet e tij me ‘Ndragheta’-n italiane, për lidhjet e tij me kompaninë ‘Amia Verona, për lidhjet e tij me Vladimir Fezgën, me personat që kanë pastruar para për krimin e organizuar në Tiranë dhe për ‘Ndragheta’-n në Tiranë, për lidhjet e tij me biznesin e riciklimit, pastrimit dhe të pehrave”, u shpreh ai.
Drejtuesi i PD-së për Tiranën paralajmëroi Erion Veliajn se nuk do të ndalet derisa kryebashkiaku të vihet para përgjegjësisë.
“Ne i bëjmë thirrje Veliajt se ne nuk do të ndalemi pa mbajtur përgjegjësi një më një për të gjitha paratë që ke vjedhur nga taksat e qytetarëve dhe do të mbajë përgjegjëjsi për vrasjen e të riut Ardit Gjoklaj do të mbajë përgjegjësi për lidhjet e tij me mafian dhe Ndraghetën”, theksoi Këlliçi.
Kujtojmë se edhe më parë, Këlliçi kishte paralajmëruar se do të dorëzonte në SPAK një kallëzim për Veliajn.
Discussion about this post