Vrasja e Altin Alikaj në Vlorë ka qenë e mirëmenduar. Lëvizjet e autorëve para dhe pas ekzekutimit kanë shpërqendruar hetimet. Fillimisht u raportua se 46- vjeçari është vrarë me sëpatë në kokë, pasi babai e ka gjetur me gjak në hyrje të banesës. Megjithatë nga vëzhgimi paraprak i trupit të viktimës është gjetur një plumb në shpatull dhe fraktura në kokë që fillimisht u dyshua se ishte qëlluar me sëpatë.
Detajet që shtojnë misterin në këtë ngjarje është së prej 1 jave ai u raportua i zhdukur nga banesa, ndërsa sot është gjetur nga nëna e tij në banesën në Vlorë. Ajo sapo ishte kthyer nga Greqia.
46 vjeçari para disa kohësh ka qenë në Kosovë dhe sipas burimeve atij i është mbajtur pasaporta në kufi. Në Shqipëri ai ka ardhur ilegalisht. Pas vrasjes autori dyshohet se i ka marrë telefonin pasi nuk gjendet.
Shtohen dyshimet se 46- vjeçari i cili ishte dhe përdorues droge është rrëmbyer dhe vrarë disa ditë më parë. Nga hetimet e deritanshme dyshohet se Alikaj është vrarë me armë zjarri, por ende rrethanat e vdekjes së tij janë shumë të paqarta.
Sipas tyre, autori apo autorët kanë helmuar qentë e komshinjve, në mënyrë që të mos lehnin për të sinjalizuar futjen e tyre në banesë dhe po ashtu kanë ulur automatin në shtëpinë e viktimës. Deri më tani janë shoqëruar tre persona nga policia e Vlorës që e njohin 46- vjeçarin.
Discussion about this post