Kritikët kanë filluar t’i bëjnë edhe më shumë presion Lulzim Bashës që të largohet nga posti si drejtues i PD. Kujtojmë se, Më 18 mars Gjykata e Tiranës do të shqyrtojë kërkesën e Partisë Demokratike për regjistrimin e ndryshimeve statutore, ku marrja e aprovimit për Lulzim Bashën do të legjitimonte plotësisht betejën e tij kundër Sali Berishës.
Ndërkohë nga ana tjetër deputetja Grida Duma tregoi se ata i kanë dhënë kohë Bashës deri me datë 17 që të largohet, pas se të ndërveprojnë. “I kemi lënë afat deri nesër Bashës”, tha Duma.
Ndërkohë Basha po përdor taktikat e tij për zbutur zemërimin e deputetëve dhe kërkon bashkëbisedim për të gjetur një zgjidhje të përbashkët. Por, më këto pjesa më e madhe e tyre vazhdojnë të këmbëngulin për largimin e tij.
Sali Berisha nga ana e tij po pret zhvillimet brenda selisë të cilën nuk e mori dot në 8 janar me protestë të jashtme, por shpresat duket se i ka më së shumti edhe tek revolta e brendshme që ka shpërthyer pas disfatës së 6 marsit.
Discussion about this post