Për vite me radhë, qindra qytetarë të Tiranës kanë jetuar mes pluhurit e baltës për shkak të gjendjes së rrugëve pranë banesave të tyre. U desh të vinin zgjedhjet lokale, që disa prej prej tyre të mbuloheshin me zift. Me punime që sigurisht lënë për të dëshiruar, megjithatë disi më mirë se balta dhe pluhuri që kanë thithur qytetarët kryeqytetas, të cilët, sic kanë konfirmuar të dhënat e fundit, jetojnë mes ndotjes në nivele alarmante ndotjeje.
Asfaltimi i rrugëve me afrimin e zgjedhjeve njihet si “asfalt elektoral” dhe konsiderohet një formë për të ndikuar votën. Fenomeni vijon prej vitesh dhe është përdorur gjerësisht nga kjo mazhorancë që po mban një pushtet të zgjatur në kohë në mënyrë të pazakontë, i ndihmuar dhe nga një opozitë e paaftë për të realizuar rrotacionin politik.
Një mjeshtër i kësaj forme manipulimi është dhe Erion Veliaj, që marifetet në këtë aspekt i ka të larmishme, si të jetë një shtrigan shpirtligë.
Zifti elektoral ka mbirë vrullshëm së fundmi dhe vijoi të hidhet mbi rrugët e Tiranës edhe këtë të shtunë, që shënon ditën e heshtjes zgjedhore.
Megjithatëve, pavarësisht marifeteve të njeriut që konsiderohet përgjegjës për vrasjen e Ardit Gjokljat dhe masakrimin e Tiranës me kulla, qytetarë të shumtë i kanë kuptuar skemat djallëzore të Veliajt, që jo vetëm nuk i shohin si investime, por i cilësojnë tallje.
Revoltën e shpirtit qytetar që kërkon një jetë me dinjitet e solli më së miri aktori Gent Zennelaj, banor i kryeqytetit dhe i dënuar nga Veliaj të jetojë për vite me radhë mes baltës.
“Kam 14 vite që jetoj në rrugën Ndre Mjeda, kam 14 vite që më ka hyrë balta në shtëpi. Kush e njëh rrugën Ndre Mjeda e di se ca tmerri është aty, te ish-parku i autobusave. Kam 15 vite që jetoj aty. Dhe papritur zgjohëm një ditë në mëngjes dhe e vë re se lagja ime ishte shtruar me asfalt për 24 orë. Para një jave. Dhe gjëja që më acaroi më shumë nervat është kjo, unë kam 14 vite që jetjojë në mes të baltës, më ke lënë 14 vjet të jetojë në mes të baltës për një rrugë që t’i e kë shtruar për 24 orë. Dhe ti mendon se unë do të jap votën, po gjallë në botë, se një rrugë që shtrohet për 24 orë, do të prishet për 24 ditë”, tha Zenelaj në një emision televiziv disa ditë më parë.
Discussion about this post