Mjeku pneumolog Arben Tanka ka folur sot gjatë një interviste televizive në lidhje me shtrimet post –covid. Ai ka thënë se aktualisht janë 25 pacientë të shtruar në këtë repart, një pjesë e të cilëve janë në gjendje të rënduar, dhe parashikimet flasin për rritje të shtrimeve. Më tutje, mjeku tregoi se pacientët kalojnë në repartin post-covid pas 3 javësh trajtim ndërsa mes tyre ka pasur edhe fatalitete.
“Atëherë në hapësirën post-covid janë 25 pacientë. Situata është e rënduar. Është gjendje e rënduar. Kanë nevojë për oksigjeno-terapi. Ata vijnë në gjendje të rëndë. Pjesa më e madhe kanë qenë të hosptalizuar dhe kanë qenë në gjendje të rëndë. Por ka edhe nga ata që nuk kanë preferuar të shtrohen në spital. Pasojat më të mëdha janë demtimi i mushkërisë për shkak të një covidi të rëndë, fenomene trombomembolike. Ka pacientë që vuajnë nga disbalancim i diabetit”, u shpreh ai.
Ai tha se pacientët vijnë shumë vonë, pasi kanë marrë trajtime në shtëpi dhe kjo e komplikon gjendjen, madje tha se në disa raste janë shtruar 35 pacientë në 24 orë.
Discussion about this post