Qeveria ka vendosur të shtyjë deri në fund të qershorit 2022 aplikimin e gjobave ndaj bizneseve që nuk respektojnë procesin e fiskalizimit. Lajmin e ka bërë të ditur vetë ministrja e Financave, Delina Ibrahimah, e cila tha se kjo bëhet për t’i dhënë kohë bizneseve që të përshtatin dhe të familjarizohen me procesin e ri të fiskal.
“Deri në datë 30 Qershor 2022 nuk do të aplikohen penalitete që rrjedhin nga zbatimi i ligjit të Fiskalizimit sipas vendimit të marrë në mbledhjen e fundit të Këshillit të Ministrave, për disa kategori tatimpaguesish: tatimpaguesit e regjistruar me përgjegjësinë tatimore të tatimit të thjeshtuar mbi fitimin për biznesin e vogël dhe që nuk janë të regjistruar për TVSH-në, të cilët kryejnë vetëm shitje me para në dorë kundrejt konsumatorëve finalë, persona të pa tatueshëm; tatimpaguesit që ofrojnë furnizimin me ujë për konsumatorët finalë si dhe tregu i rregulluar i energjisë elektrike; Qëllimi ynë është dhënia e kohës së mjaftueshme për bizneset që të ngrenë, të përshtatin dhe të familjarizohen me lehtësi e sa më mirë me procesin e ri të fiskalizimit. Qasja jonë do të vijojë të jetë edukuese dhe këshilluese, me qëllim rritjen e efektivitetit të procesit, zbatimin e plotë dhe raportimin në kohë reale”, shkruan Ministrja.
Procesi i fiskalizmit nisi më 1 janar 2021 fillimisht me bizneset e mëdha që kryejnë transaksione pa para në dorë me entet publike. Nga 1 korriku nisi faza për transaksionet pa para në dorë mes bizneseve. Faza III e procesit nisi nga 1 shtatori me përfshirjen e bizneseve të vogla. Kujtojmë se vazhdimisht Shoqata e Biznesit ka kërkuar që të mos aplikohen gjoba për shkak se bizneset nuk kanë marrë akoma veten nga kirza pandemike.
Discussion about this post