Shtyhet dhënia e dëshmisë nga Nuredin Dumani për disa vrasje

I penduari i drejtësisë, Nuredin Dumani u shoqërua ditën e sotme (30 maj) në Gjykatën kundër Korrupsionit dhe Krimit të Organizuar.

Ai do të dëshmonte në procesin gjyqësor ndaj Altin Ndocit, Klevis Allës, Besian Xhixhës e Enver Divës, të akuzuar për vrasjen e vëllezerve Viktor e Besmir Haxhia, si dhe Dorian Shkozës e Anxhelo Avdisë në vitin 2020 në Durrës.

Por, dhënia e dëshmisë së tij është shtyrë pasi avokatët Besian Xhixhës dhe Enver Divës, kërkuan të njihen me deklarimet e ushtarit të Dumanit, Henrik Hoxhajt gjatë seancës së sotme.

Në procesin gjyqësor ishte edhe i penduari tjetër i drejtësisë Klevis Alla.

Dëshmitë e Nuredin Dumanit dhe Klevis Allës të dhëna para hetuesve kanë qenë kontradiktore..