Gjykata e Posaçme ka shtyrë sërish gjyqin ndaj ish-ministrit të Brendshëm, Sajmir Tahiri. Mësohet se data e radhës e caktuar për t’u mbajtur seanca gjyqësore është 5 janari. Shkak për shtyrjen e seancës së ditës së sotme është bërë mungesa e përfaqësuesve ligjor të Jaeld Çelës. Disa javë më parë Gjykata e Lartë zbardhi vendimin për ish-ministrin duke kaluar kompetencat e çështjes pranë Gjykatën e Posaçme të Apelit për Korrupsionin dhe Krimin e Organizuar. Kjo Gjykatë vendosi rikthimin e çështjes për shqyrtim tek një trupë tjetër në GJKKO, me pretendimin se procesi ka pasur shkelje procedurale.
Ish-ministri i Brendshëm u akuzua nga SPAK për përfshirje në trafik lëndësh narkotike, ndërsa gjykata e dënoi vetëm për akuzën “shpërdorim detyre”.Tahiri u dënua me 5 vite burg, e cila iu konvertua në 3.4 vite shërbim prove.
Discussion about this post