Komisionit të Posaçëm Parlamentar për Reformën Zgjedhore është shtyrë për në seancën e ardhshme parlamentare.
Që në nisje të seancës plenare, kreu i grupit parlamentar të Partisë Demokratike, Alfred Rushaj, propozoi që kjo gjë që hiqej nga rendi i ditës dhe që fillimisht të zhvilloheshin diskutimet me Partinë Socialiste për subjektin e këtij komisioni.
“Propozoj ta heqim nga rendi i ditës ngritjen e komisionit të posaçëm parlamentar për Reformën Zgjedhore, dhe ta kalojmë në seancën tjetër. Diskutojmë me PS për subjektin e Komisionit,”- tha Rushaj.
Kërkesa u pranua edhe nga mazhoranca dhe u miratua për në seancën e ardhshme.
Partia Demokratike ka depozituar para disa javësh në Kuvend kërkesën për ngritjen e Komisionit të Posaçëm për Reformën Zgjedhore. Në kërkesën e firmosur nga 10 deputetë thuhet se Komisioni ka për detyrë hartimin e ndryshimeve kushtetuese dhe të kuadrit ligjor zgjedhor për trajtimin e rekomandimeve të raporteve të OSBE/ODIHR-it për zgjedhjet e 25 prillit dhe zgjedhjeve të mëparshme të pa trajtuara.
Gjithashtu, në kërkesë thuhet se Partia Demokratike ka konstatuar 5 shkelje të rënda që minuan procesin demokratik të zgjedhjeve parlamentare të 25 Prillit që kishin të bënin me shitblerjen e vote, përdorimin e paligjshëm të të dhënave personale si dhe ndryshime të njëanshëm në kushtetutë dhe kodin zgjedhor që sollën heqjen e koalicioneve.
Discussion about this post