Kukësi ka kërkuar shtyrjen e ndeshjes me Dinamon. Nëpërmjet një njoftimi për shtyp, klubi verilindor ka bërë të ditur se janë infektuar 10 persona, ku shtatë prej tyre janë futbollistë.
Gjithashtu ka edhe të tjerë që janë konkakt i tyre. Në këto kushte Kukësi ka kërkuar shtyrjen e ndeshjes me Dinamon.
NJOFTIMI: Pas kthimit të ekipit nga pushimet, ku shumë futbollistë kanë udhëtuar jashtë vendit, klubi është kujdesur që futbollistët dhe stafi teknik, të jenë në gjendje të mirë shëndetësore dhe të mos rrezikojnë shëndetin e të tjerëve.
Në kushte të tilla, klubi ka kryer 3 testime të Covid 19 dhe kane rezultuar të prekur 7 futbollistë dhe 3 anëtarë të stafit teknik. Njëkohësisht, janë edhe disa futbollistë të dyshuar duke qenë se jetojnë në një banesë me të prekurit dhe kanë kontakt të vazhdueshëm.
Në kushte të tilla, të prekurit por edhe të dyshuarit, janë karantinuar në banesat e tyre duke shmangur kontaktin me pjesën tjetër të ekipit megjithatë, të tjera teste do të kryhen ditë pas dite.
Sipas kalendarit, skuadra do të zhvillojë të shtunën e datës 15/01/2022 ndeshjen ndaj Dinamos, por në kushte të tilla nuk mund të flitet për një ndeshje normale futbolli.
Discussion about this post