Shtyhet për herë të tretë seanca ndaj ish-drejtoreshës Qato

Gjykata e Posaçme ka shtyrë shtyrë për të tretën herë seancen paraprake ndaj ish drejtoreshës së ARRSH-së Sonila Qato, dhe 9 të pandehurve të tjerë.

Seanca është shtyrë për shkak të munguesës së një prej avokatëve. Seanca e rradhës do mbahet javën e ardhshme, ku gjykata do vendosë nëse do kaloje apo jo për gjykim çështja ndaj Qatos.

Ish-drejtoresha e Autoritetit Rrugor Shqiptar, Sonila Qato, u mor zyrtarisht e pandehur nga SPAK, në tetor të këtij viti. Ajo akuzohet nga Prokuroria e Posaçme  për akuzën e “Shkelje ose favorizim të tenderave dhe ankadeve publike” lidhur me tenderin e ndërtimit të rrugës Kardhiq-Delvinë.