GJKKO ka shtyrë seancën për shqyrtimin e kërkesës së Fredi Belerit për të marrë leje të posaçme për betimin e tij si kryebashkiak i zgjedhur i Himarës në zgjedhjet e 14 majit.
Ambasadorja e Greqisë në Shqipëri, Konstantina Kamitsi ishte e pranishme në GJKKO për të ndjekur seancën ndaj Belerit.
Seanca e radhës do të zhvillohet më 11 dhjetor.
Fredi Beleri është arrestuar 2 ditë para zgjedhjeve të 14 Majit, i akuzuar për blerje votash.
Edhe pse në qeli, ai arriti të fitojë zgjedhjet përballë rivalit të PS, Jorgo Goro. Por pavarërisht kërkesave të tij në shkallë të ndryshme të gjyqësorit, nuk është lejuar të betohet si kryebashkiak i Himarës.
Discussion about this post