Avokati i Sali Berishës, Genc Gjokutaj, tha se seanca paraprake për çështjen “Partizani” u shty pasi pala mbrojtëse kishte kërkuar të njihej me aktet dhe sipas tij, janë 160 mijë faqe dokumente të cilat duhen lexuar dhe analizuar. Për këtë, gjykata u la 10 ditë kohë, shtoi Gjokutaj në një prononcim për mediat.
I pyetur se çfarë do të kërkojë në seancën e radhës, Gjokutaj u përgjigj: “Çështja nuk ka as dyshimin më të vogël të arsyeshëm. Sigurisht që do të kërkojmë pushimin e çështjes, pastaj, vendimmarrja është e gjykatës”.
Ndërsa mungesën e Berishës e arsyetoi: “Në seancat procedurale nuk është e nevojshme prania e tij. Por në seancat ku do të jetë e nevojshme prania e tij për të dëshmuar për rrethana dhe fakte, do të jetë”.
Discussion about this post