Shtyhet seanca e parë në themel për ish-ministrin e Shëndetësisë, Ilir Beqja. Shkak u bë kërkesa e avokatit të tij, Ermal Yzeiraj, i cili tha se prokuroria nuk na ka bërë me dije qëndrimin e saj në formë të shkruar pretendimin se përse u rikualifikua vepra penale, pasi me gojë ra dakord për vendimin e gjyqtares së seancës paraprake.
“Nuk dimë se sa faqe është ky vendim dhe duam të dimë çfarë përmban ky akt”, tha avokati.
Kujtojmë se në seancën paraprake, gjyqtarja Flojera Davidhi rikualifikoi veprën penale, nga shpërdorim detyre, në vjedhje duke shpërdoruar detyrën, në kuadër të grupit të strukturuar kriminal.
Seanca e radhës u caktua më datë 13 mars ora 12:30.
Debati në seancë
Avokati i ish-ministrit të Shëndetësisë, Ilir Beqaj, Ermal Yzeiraj, kërkoi aktin e shkruar nga Prokuroria për rikualifikimin e akuzës.
Yzeiraj theksoi se mbrojtja ende nuk ka marrë informacion lidhur me qëndrimin e Prokurorit për ndryshimin e akuzës.
“Kërkojmë aktin e shkruar nga ana e prokurorisë për rikualifikimin e akuzës. Ne nuk e dimë qëndrimin e Prokurorit lidhur me ndryshimin e akuzës nga “shpërdorimi i detyrës” në vjedhje duke shpërdoruar detyrën. Nga bashkëpunimi i thjeshtë në një formë më të lartë, ajo e grupit të strukturuar kriminal.”
Nga ana e tij, Ilir Beqaj shpjegoi se kishte pyetur administratën në Durrës, por kishte marrë përgjigje se akti nuk kishte mbërritur ende, duke shtuar: “Deri dje pyeta ata të administratës në Durrës, por më thanë s’ka ardhur. Nisët një vendim të dhjetorit, por jo rikualifikimin e akuzës.”
Beqaj gjithashtu u drejtua me pyetjen për Prokurorin: “Pse s’e nisët?”
Prokurori Edvin Kondili, në përgjigje, tha: “Në dukje kjo është kërkesë për marrje vendimi, por në fakt në thelb është për shtyrje. Ndaj, kërkoj pezullimin e afateve të paraburgimit dhe të arrestit shtëpiak.”
Discussion about this post