Seanca paraprake ndaj Sali Berishës, dhëndrit të tij Jamarbër Malltezi dhe të tjerëve për dosjen “Partizani” është shtyrë për në muajin Dhjetor. Vendimi u mor sot nga Gjykata e Posaçme kundër Korrupsionit dhe Krimit të Organizuar.
Sipas avokatit të Berishës, Genc Gjokutaj, seanca paraprake do të zhvillohet në datë 16 Dhjetor. Shkak, sipas tij, është bërë materiali voluminoz që duhet të shqyrtohet nga palët e tjera të akuzuara në proces.
Gjokutaj bëri me dije se Gjykata Strasburgut ka kaluar në fazën e debatit çështjen e Berishës duke e cilësuar çështje prioritare.
Ai tha se Gjykata i është drejtuar me disa pyetje shtetit shqiptar për veprimet gjyqësore, dhe më pas do të merret një vendin, pas përgjigjeve.
“Doja të bëja me dije se jemi njoftua se gjykata Strasburgut, ka kaluar në fazën e debatit çështjen e Berishës, e ka cilësuar çështje prioritare dhe i ka drejtuar pyetje shtetit shqiptar për veprimet gjyqësore. Janë të gjitha ankimet që kemi bërë, masat, antikushtetuesmëria, mungesa e proporcionalitetit, ndërprerja e aktivitetet të tij si kreu i opozitës apo si deputet. Strasburgu ka ecur me një shpejtësi. Shkresa i ka ardhur shtetit shqiptar, më pas do merret një vendim”, tha avokati.
Discussion about this post