Shtyhet seanca për Berishën në GJKKO, ja kur zhvillohet

Seanca në GJKKO ndaj ish-Kryeministrit Sali Berisha, e cila pritej të niste në orën 18:00 të ditës së sotme, është shtyrë për ditën e mërkurë.

Seanca pritet të mbahet në orën 14:30, ndërsa avokatët e ish-Kryeministrit Berisha kërkuan përjashtimin e gjyqtares Irena Gjoka.

Kjo e fundit është paditur më herët në SPAK nga Berisha për shpërdorim detyre, pasi sipas tij, ka venmdosur masat e sigurisë “detyrim paraqitje” dhe “mos lejim të udhëtimeve jashtë vendit” pa marrë leje nga Kuvendi i Shqipërisë, ndërkohë q ëish-Kryeministri ka mandatin e deputetit.

Gjithashtu avokatët e z. Berisha kërkuan më shumë kohë në dispozicion për tu njohur me dosjen e paraqitur nga SPAK, ndërsa avokati Genc Gjokutaj tha se dosja përmban 2 mijë faqe, të cilat nuk mund të shqyrtohen për dy apo 3 orë.