Shtyhet seanca për Gërdecin, Mihal Delijorgji refuzoi të dëshmonte

Është shtyrë seanca për ish-ministrin Fatmir Mediu, i cili është nën hetim për çështjen e Gërdecit.

Në senacën e radhës ndaj ish-ministrit të Mbrojtjes, Fatmir Mediu për çështjen “Gërdeci”, u paraqit për të dëshmuar Mihal Delijorgji.

Delijorgji nuk pranoi që të japë sqarime, duke përfituar nga e drejta për të mos e bërë diçka të tillë, për shkak se ka qenë i dënuar në procesin e parë.

Gjykata përsëriti edhe një herë thirrjen për Anjola Agollin, ish-sekretaren e ministrisë së Drejtësisë. Gjithashtu, SPAK kërkoi edhe shoqërimin e Denis Hajdarit për të dhënë deklarime në gjykatë.

Kujtojmë se Mediu po hetohet për shpërdorim detyre në lidhje me vdekjen e 26 personave dhe plagosjen e qindra të tjerëve pas shpërthimit që ndodhi në Gërdec më 15 mars të vitit 2008.

Seanca e radhës do të mbahet më 9 prill në orën 09:00.