Është shtyrë seanca në Apelin e Posaçëm për presidentin e Partisë së Lirisë, Ilir Meta, i cili kërkoi ndryshim të masës së sigurisë. Mësohet se seanca e radhës do të mbahet më 23 tetor.
Avokati Kujtim Cakrani deklaron se çështjen do ta dërgojë në Strasburg. Përfaqësuesi ligjor i Metës u shpreh se “gjykatat shqiptare janë të kapura”, dhe sipas tij, kjo është arsyeja përse ish-Kreu i Shtetit nuk paraqitet në seancat gjyqësore ku kërkon ndryshimin e masës së sigurisë.
“Ne nuk presim nga gjykatat shqiptare, janë të kapura. Do e çojmë në Strasburg, kjo është arsyeja pse Ilir Meta nuk paraqitet në Gjykatë”, tha ai.
Pyetjes nëse do e lirojë Metën nga qelia brenda muajit, ashtu siç deklaroi më 1 Tetor, iu përgjigj: “Unë e di shumë mirë pse e mbajnë në paraburgim. Jam në betejën time ligjore, janë në vijimësi, armët e mia këto jam. Duke besuar tek puna ime, besoj se Meta duhet të lirohet. Pse Presidenti Meta duhet të lihet në paraburgim”.
Discussion about this post