Gjykata e Posaçme ka shtyrë për në 15 prill, ora 14:00 seancën e radhës për dosjen “Partizani”, çështje për të cilën të akuzuar janë kreu i PD, Sali Berisha dhe dhëndri i tij, Jamarbër Malltezi.
Berisha dhe Malltezi janë nën akuzë në lidhje me procesin e privatizimit të ish-kompleksit sportiv.
Shkak i shtyrjes së seancës së sotme është bërë mungesa e avokatit të të pandehurit Xhimi Begeja.
Berisha dhe Malltezi janë nën akuzë në lidhje me procesin e privatizimit të ish-kompleksit sportiv. Kryedemokrati akuzohet për korrupsion pasiv pasi sipas SPAK ka ndërmarrë veprime konkrete në miratim ligjesh dhe aktesh nënligjore, për t’i përshtatur sipas nevojave të pesë familjeve pronare në kompleksin sportiv “Partizani”, ku përfitues ishte edhe dhëndri i tij.
Jamarbër Malltezi akuzohet për korrupsioni pasiv, kryer në bashkëpunim me Berishën pasi SPAK pretendon se në marrëveshje me të, duke shfrytëzuar pushtetin, privatizuan kompleksin “Partizani” që i solli familjes miliona euro përfitime. Malltezi akuzohet edhe për pastrim parash.
Si Malltezi ashtu dhe Berisha i kanë mohuar akzuat dhe i kanë quajtur politike.
Discussion about this post