Masakra e Gërdecit/ Shtyhet sërish seanca gjyqësore e Fatmir Mediut

Është shtyrë sërish seanca gjyqësorë ndaj ish ministrit Fatmir Mediut. Mësohet se avokatët mbrojtës kanë kundërshtuar provat e prokurorisë. Seanca e radhës është caktuar më 2 maj, ora 10:00

Në deklarat për mediat ish ministri shprehet se duhet të zbulohet shkaku i shpërthmit dhe se nuk ka injoruar në asnjë rast mendimin e ekspertëve ushtarakë dhe civilë.

“Do i shkojmë të vërtetës deri në fund. Unë kam kryer detyrën time. Nuk ka pasur asnjë mendim ushtarak që unë s’e kam vlerësuar. Nuk kam injoruar në asnjë moment mendimin e ekspertëve ushtarakë apo civilë” tha Mediu.

Ndërkohë mësohet se SHBA ka sjellë përgjigjet e letër porosive me pyetjet e disa dëshmitarëve. Sakaq autoritetet janë shprehur se pyetjet nuk mund të bëhen nga Gjykata por vetëm nga agjentët e FBI.

Ndaj Mediut rëndojnë akuzat në lidhje me tragjedinë e Gërdecit, ku nga shpërthimi i punishtes së demontimit të armëve mbetën 26 të vrarë dhe qindra të plagosur.