GJKKO ka shtyrë sërisht seancën në ngarkim t ëish-Kryeministrit Sali Berisha, ku pritej të kishte një rivlerësim të masave të sigurisë ndaj tij, “detyrim paraqitje” dhe “ndalim të daljes jashtë vendit”.
Dy avokatët e ish-Kryeministrit Sali Berisha, Sokol Mëngjesi dhe Genc Gjokutaj, sipas raportimeve kanë debatuar për më shumë se 90 minuta me gjyqtaren Irena Gjoka dhe dy prokurorët e SPAK, Arben Kraja dhe Enkeleda Millonai.
Genc Gjokutaj tha në një prononcim për mediat se GJKKO kishte rrëzuar kërkesën që ccështja të kalonte në Kushtetuese.
Gjokutaj tha se Kushtetuesja do të duhej të shprehej nëse masa e sigurisë e vendosur ndaj deputetit Berisha është ose jo Kushtetuese, përsa kohë iu caktuan dy masa sigurie pa marrë më parë leje nga Kuvendi.
Pasi iu refuzua kjo kërkesë, si dhe ajo për vënien në dispozicion të ccdo akti mbi të cilën GJKKO caktoi masat e sigurisë, avokatët e Berishës, janë larguar nga seanca.
Gjokutaj tha se GJKKO mund të vijonte procesin me avokatë të caktuar kryesisht dhe kjo, sipas tij, do të ishte shkelja më e vogël, në këtë proces.
“Kërkuam që Gjykata të vendosë të na japë kopje të akteve, që pretendon se e ka vendosur dje, pa u njohur me aktet merr vendim për vazhdim seance.
Gjykata refuzoi kërkesën që çështja të dërgohej për shqyrtim në Gjykatën Kushtetuese.
Pasi na rrëzoi kërkesën, ne u larguam nga seanca. Gjykata po përdor instrumente dhe justifikime për të mos na njohur me aktet.
Seanca e verifikimit dhe ekzekutimit, rishikon dhe një herë seancën e parë dhe verifikohen dhe një herë kushtet e mëparshme’, tha gjatë deklaratës avokati, Genc Gjokutaj.
Discussion about this post