Është shtyrë për një kohë të pacaktuar, vizita e delegacionit amerikan në krye me nënsekretarin e Departamentit të Mbrojtjes të ShBA-ve, Derek Chollet.
Kjo vizitë e cila ishte parashikuar të zhvillohej gjatë kësaj fundjave, është shtyrë për një kohë tjetër, ndërsa arsyet nuk dihen ende.
Delegacioni amerikan ishte parashikuar të zhvillonte takime të ndara me presidenten Vjosa Osmani dhe kryeministrin Albin Kurti.
Mediat kanë provuar të marrin informacione nga Ambasada Amerikane, Zyra e Kryeministrit dhe Presidenca, për këtë ndryshim të agjendës, por deri më tani nuk kanë marrë përgjigje.
Pas tensioneve në veri dhe protestave të serbëve lokalë, kjo pritet të jetë vizita më e lartë nga administrata e presidentit amerikan Joe Biden.
Discussion about this post