Nënkryetri i Lëvizjes Socialiste për Integrim, Petrit Vasili, ka reaguar përmes një postimi në facebook në lidhje me zgjatjen e afateve të vetingut.
Sipas, Vasilit shtyrja e afatit të KPK-së është një prioritet i pavërtetë për drejtësinë, pasi kjo vazhdimësi është tashmë e siguruar falë mekanizmave dhe institucioneve të parashikuar qartë në Kushtetutë. Numri 2 i LSI-së thekson gjithashtu se zhurma artificiale për shtyrjen e vetingut bëhet me qëllimin që të fshihet dështimi dhe kapja e saj.
Ai më tej shkruan se “meraku” i vetëm i dashnorëve të reformës është vetëm që të vijojnë të njëjtët persona, që siguruan Vetingun e kapur, selektiv dhe me dy standarde, që i duhet me çdo kusht rilindjes.
“Dhjetëra mijëra shqiptare nuk kane asnjë shpresë për të marrë drejtësi dhe dosjet e tyre janë bllokuar me vite dhe do vazhdojnë të jenë të tilla edhe për një kohë tepër të gjatë.
Asnjë fjalë, asnjë zgjidhje, asnjë preokupim për kolapsin e sistemit, i cili duket qartë që do të vijoje i tillë për vite të tëra.
As shashkat si Harta e re Gjyqësore, që është thjesht dhe vetëm një riciklim akoma me i keq i kolapsit ekzistues nuk është zgjidhje.
Asnjë fjalë, asnjë zgjidhje asnjë preokupim për kapjen e SPAK-ut dhe mbretërimit te pandëshkueshmërisë së qeverisë ku çeshtjet e Teatrit, Inceneratorëve, Beçhetit, Portit të Durrësit buçasin. Jepini fund teatrit politik me zgjatjen e afatit te KPK së Vetingut. Qytetarët nuk mund të pranojnë një sistem drejtësie të kapur, të kolapsuar dhe shumë më të dobët në çdo pikpamje se ai qe lame pas” – shkruan Vasili.
Kujtojmë të njëjtin qëndrim ka mbajtur edhe Partia Demokratike kur është pyetur për votimin e shtyrjes së afateve të KPK. Sipas tyre, Kushtetuta e parashikon qartë vazhdimësinë e KPK.
