Një nga figurat më të rëndësishme të Radio Televizionit Shqiptar, Kristaq Kriso është ndarë nga jeta. Mjeshtri i zërit në RTSH ka mbyllur sot sytë përgjithmonë në moshën 71-vjeçare, ndërsa pritet të përcillet për në banesën e fundit ditën e nesërme. Lajmin për ndarjen e tij nga jeta, është bërë i ditur nga miqtë e tij, mes të cilëve dhe pedagogu Andrea Nathanaili.
“LAMTUMIRË KIÇO!
Kafen e mengjezit nuk do ta pi më me Kiçon … Kristaq Kriston, mjeshtrin dhe operatorin e zërit në RTSH. Ata që nuk e njohin, e kanë lexuar emrin e Kiços në titrat e qindra dokumentarëve, filmave artistike, filmave televizive, telenovelave, spektakleve, telereportazheve, emisioneve pa fund. Ishte vetëm 19 vjeç kur filloi punë në televizion.
Sot, pas 51 vjetësh, KIÇO na trishtoi pa fund. U largua nga kjo jetë një Mjeshtër, që nuk do na flasë më me zë, megjithèse mbeti gjithë jetën më i miri Mjeshtër Zëri në Televizion!
Lamtumirë Kiço Kristo!”-shkruan ai.
Discussion about this post