Duke qenë se në të gjithë botën pandemia po shkon drejt shuarjes, Republika e Maqedonisë së Veriut ka shfuqizuar të gjitha kriteret specifike të udhëtimit në kushtet e Covid-19. Tashmë mund të hyjmë në Maqedoni pa certifikatë vaksinimi dhe pa test PCR. Kjo masë është hequr për shqiptarët por edhe për të gjithë shtetasit e huaj.
“Për shtetasit e huaj që hyjnë në këtë vend, nuk kërkohet më certifikatë vaksinimi apo shërimi nga Covid-19, as test negativ dhe as karantinë”, thuhet në njoftimin e ministrisë për Europën dhe Punët e Jashtme.
Kujtojmë se pak ditë më parë edhe qeveria jonë ka hequr të gjitha masat kufizuese, ndërsa kjo procedurë po vazhdon tashmë në shumë vende të botës.
Discussion about this post