Një zjarr i madh ra në kullotat e njesisë administrative Odrie në Gjirokastër. Forcat zjarrfikëse të Gjirokastrës kanë operuar në terren për gjashtë orë rresht, derisa bënë të mundur shuarjen e flakëve që kishin gjeneruar në fshatin Labovë.
Flakët kërcënonin banesat ndaj situata u vlerësua me seriozitet të madh për të shmangur rrezikun duke shtuar edhe forcat zjarrfikëse në terren.
Sipas vlerësimit paraprak bëhet fjalë për 4 ha kullotë të djegur. Ndërkaq drejtuesi i PMNZSH Gjirokastër, Pëllumb Shalari, u shpreh se duhet t tregohet kujdes dhe përkushtim të shtuar nga të gjitha institucionet, në të gjitha nivelet si dhe rritje e ndërgjegjësimit dhe përgatitjes së qytetareve për t’iu përgjigjur në kohë ndaj situatave.
Discussion about this post