Shuhet pioneri i muzikës “Blues”

I njohur si një ndër muzikantët më me ndikim në muzikën blues në Britani, John Mayall është ndarë nga jeta në fillim të kësaj jave në moshën 90 vjeçare.

Ai udhëhoqi një nga grupet më me ndikim të muzikës bluz në botë. John Mayall, legjendari që  ringjalli këtë lloj ritmi mes muzikantëve të bardhë në Angli, ndërroi jetë në shtëpinë e tij në Kaliforni.

Mayall, i cili u rrit në Mançester, formoi grupin Bluesbreakers në vitin 1960 në një kohë kur skena në Amerikë ishte e ndarë racialisht dhe kur në Evropë dhe Angli bluzi i zi filloi të dëgjohej nga një audiencë që nuk po e dëgjonte në Amerikë.

Pas albumit të tyre të vitit 1966, ku përfshihej kitaristi Eric Clapton, Bluesbreakers u njohën nga kritikët muzikorë si një nga grupet më të vlerësuar.

Muzikantë të tjerë si Mick Taylor i Rolling Stones dhe disa anëtarë të Fleetwood Mac kaluan përmes grupit, gjë që forcoi reputacionin e tij si një magnet i talenteve.

Mayall u transferua në Los Anxhelos në vitin 1969, ku vazhdoi karrierën e tij muzikore duke lancuar albume dhe duke performuar në SHBA dhe Evropë.